Asım

Hîşyarî ne hesan e. Nasnameya mirovî ji malbatê, civat û perwerdeyîyê, ji derûdorê, ji jîyanê diafire. Ev sînerjîya rojane û rojevê tevî hestê mirovî dibe û helwêsta mirovî derdixîne pêş. Helwêst, mirovî dikşîne nava çalekîyan û li bûyeran germ dike. Helwêsta rejima ku dijî raman û nasnameya Kurd e, weke her kurdekî dil û hinavê Asimî diêşîne û berpirsîyarîya wî ya li gel çand, hûner û mirovatîyê wî dadixîne nava bûyeran. An jî Asim bixwaze nexwaze sistem û danûstandina di navbera civakê de ku pêk tên qehremanîya Asimî diafrîne.
Di vê romanê de pêngav bi pêngav serpêhatîya xwendekarekî kurd tevî jîyana wî ya sîyasî ku di dema salên 1970an de qewimîne berbiçav bûye. Çawa ku di romanê de jî dîyarde bûye, cîwanekî kurd ji xeta çewt heyanî ku hatîye ser helwêsta nasnameya xwe, pir zahmetî kişandî ye. Lê ya muhim eve ku paş ev qas bûyer û tadayîyan xwe gihandiye refên xwe yê kurd.
Memosta Mezher Bozan weke behremên ku su’uda xwe ji civak û serpêhatîya kesaneyên ji civaka kurd standîye hunandî ye; Av Zelal Bû -I -II- -III- , Zarokên Me, Sê Buyer û Sînema, Ez Jî Jîyame, Sê Kulm Ax, Û Helbest Berdewam e, Zena ( Nubihar) û hwd.
Em bi bawerin ku ev berhema ku di destê we de ye, ev romana bi navê qehreman weke "Asim" hatîye hunandin, jî tamekî xweştirin bide we xwendevanan û we bibe cîhana tekoşerîyê ya demeki ku bi tundi ciwanên kurd tê de jîyan e..