Xewneke penaber Jidayîkbûna xwe ya di nav têlên sînor de bi birîna xwe ya bê bîr pîroz dikim. Ev jidayîkbûn têger bûye, seranser bûye, serwer bûye, penaber bûye. Axa zikmakiya min disincire, lingên xakiyan dişewitîne. Sînor sînga xwe ya xapînok vekiriye. Kî tê bêedebî ji xwe derbas dike! Yek tê, rihana ku bi axînê avdaye li xeyda xwe hûnaye û derbas dibe. Yek tê, behreke ku hîn nedîtiye di binhişê xwe de şîn kiriye kesera xwe heyf nake da ku ji yên din re bike qayîk û kelek. Yek tê, di berîka xwe de kevirên heftokê yên ji dudilî û nakokiyê hildigire da ku pê bêyomiyê bitirsîne. Yek tê, stranên ku ji hilma nanê germ pêtane di buxçika bûkaniya xwe, ya tarumar de hilgirtiye.
Size en iyi deneyimi sunmak için web sitemizde çerezler kullanılmaktadır. Çerezler, sunmuş olduğumuz hizmetlerin size özel ve tercihlerinize göre kişiselleştirilmiş içerikler olarak sunulmasına imkan tanır. Çerez Politika'mızı inceleyerek çerezler hakkında daha fazla bilgi alabilirsiniz.
