Hüsniye Aydın, par di warê berhevkarîyê de berhemeke hêja bi navê Kilamên Dêrsimê li folklora Kurdî zêde kiribû. Berhevkara hêja vê carê bi hevokên xwe, bi zimanê xwe ê herikbar û herêmî xwezaya devoka bajarê xwe parastiye û ev berhema hêja nivîsîye. Aydin di vê berhemê de, di ser serpêhatî û berdeborînên bapîrê xwe re behsa civat û cimaeta xwe û behsa henek û pêkenokên wan ên xwezayî dike.
Dêrsim cîyekî pir girîng û xweş e. Bi erdnîgarîya xwe û bi xwezaya xwe a bê hempa meriv mest dike. Nivîskar ji bajarê xwe, ji çanda xwe pir hez dike. Aydın bi zimanê xwe yî herikbar û rojane ku gel pê diaxive, hemû xweşî û başîyên herêma Dêrsimê rave dike. Bapîrê wê Mistê Awês û dapîra wê Îpegê hezkirîyên gundîyên wê ne. Û ew di vê pirtûkê de ji me re qala hemû xweşî û taybetîyên wan ên gundewarî û însanî dike. Dibe ku ev berhem telîf be lê bi devoka xwe û bi çîrokên xwe, di tama berhemeke folklorîk de ye.
Size en iyi deneyimi sunmak için web sitemizde çerezler kullanılmaktadır. Çerezler, sunmuş olduğumuz hizmetlerin size özel ve tercihlerinize göre kişiselleştirilmiş içerikler olarak sunulmasına imkan tanır. Çerez Politika'mızı inceleyerek çerezler hakkında daha fazla bilgi alabilirsiniz.
