Piştî rojeke dirêj û germ, devdevê êvarê hêrsa tavê şikestibû. Roja di pişt ewrên bela wela de veşartî, bi zerêqa xwe ezmanê şîn dixemiland. Li hingûr xetek ji ewrên bi rengê îsporto, porteqalî, zer û sor derketibû holê. Berî segûrka êvarê, pezê terî çolê li ser girên li alî bakur û rojava mîna qeratiyan xuya dikirin. Tîrêjên ku çavên mirov qul dikir çûbûn, di cihê wan de zerêqiyeke nerm hatibû ser gundê Kelhesen ê li rojavayê Gola Xwê. Aramiyek veniştibû ser cîhanê. Erd û ezman guh dabû ser xwe û li benda şeva hênik bûn. Tîrejên rojê, di navbera ewrên bela de xwe berdidan newala ku gund tê de hatî damezirandin û ew vekirî mîna tayên rengîn xuya dikirin.
Size en iyi deneyimi sunmak için web sitemizde çerezler kullanılmaktadır. Çerezler, sunmuş olduğumuz hizmetlerin size özel ve tercihlerinize göre kişiselleştirilmiş içerikler olarak sunulmasına imkan tanır. Çerez Politika'mızı inceleyerek çerezler hakkında daha fazla bilgi alabilirsiniz.
