"Dêsê keyeyê ma zî sey dêsanê zafaneyê keyeyan sey yew goristanê bêherre bîy. Emrê bêmiradî dêsan ra zeliqîyayîbî û mendîbî. Seke dêsî biwazê fekê xo akê û qisey bikê la ê zî sey çarçewayanê bêruhan mat bîbî û mendîbî. Dêsan ra bêvengîyêk vila bîyêne zereyê keyeyî. Zafî reyî bê vateyêk, ma zî sey ê çarçewayan bi saetan a matmenda mendêne. Sey fotografanê ke dêsan ra zeliqîyayîbî, ma zî seke alemêkê bînî ra bizeliqî û bimanê.”
"Wexto ke cereyan ame û daya mi sindoqa xo qefelna tena ê heme fotografê ke bi serran a zereyê sindoqa aye de nimite bîy, mi vîr de bîy. Heme ê fotografê ke zereyê sindoqan de nimite mendîbî. Heme ê fotografê cinîyanê ke zereyê sindoqan de û tûnika camêrdan de nimite mendîbîy û şikîyaybîy. Beno ke sey ciwanîya înan, sey xasekîya înan û cuya înana ke zereyê keyeyan de nimita mendîbî…"
Size en iyi deneyimi sunmak için web sitemizde çerezler kullanılmaktadır. Çerezler, sunmuş olduğumuz hizmetlerin size özel ve tercihlerinize göre kişiselleştirilmiş içerikler olarak sunulmasına imkan tanır. Çerez Politika'mızı inceleyerek çerezler hakkında daha fazla bilgi alabilirsiniz.
