Bingeyê şîîranê Doxanî otantîk o, ziwanê xo nazik û nerm o, sey Ahmet Arîfî yo. Çekuyanê xo zerrî ra vano, derg nêkeno, mordemî nêqefilneno. Teyr û turî, dar û kemerî, nanê pepûgî, gizerî henî weş revsîr keno ke, mordem a linge xo wertê xozayî de vîneno. Vengê çemî êno gosanê to, suzga vayî dana rûyê to ro, boya zembulî êna pirnikanê to. Wexto ke qalê dewrê Kirmancîye û îtîqatê Kirmancîye keno, xafil de dewrêsê pêyayî bi heqibeyanê xo dormeyê to de peyda benê. Min û Mutlu Canî pîya na dosya amade kerde, Mutlu Canî pêro şîîrî redakte kerdî. Karê ma ke qedîya Doxanî destûr da mi û nameyê kitabî kî mi na pira “Koyî Bîyê Xezal”. Ez henî guman kena ke, no viraşte (eser) edebîyatê ma Kirmancan de cayê xo berz û payîdar bo. Qenterê Kirmancîye de bivêro. Doxanî gavare çarna hêgayê ma ser, hêgayê ma kerdo kewî (zergûn), royê ma kerdo şên. Weş û war bo.
Size en iyi deneyimi sunmak için web sitemizde çerezler kullanılmaktadır. Çerezler, sunmuş olduğumuz hizmetlerin size özel ve tercihlerinize göre kişiselleştirilmiş içerikler olarak sunulmasına imkan tanır. Çerez Politika'mızı inceleyerek çerezler hakkında daha fazla bilgi alabilirsiniz.
