Maç dîreksîyonê haletê cotkirinê ye. Destê maçkar bi maça kotanê ve ye û li gorî rewşa erdê û xetê carinan wê radike, carinan wê ber bi erdê ve dike û carinan wê bi alîyê rastê û çepê ve dike. Bi gotineke din, maçkar rêveberê karê cotkirinê ye. Di vê romanê de jî Herdem dibe maçkara gund û gund bi rê ve dibe. Ji xwe karê cotkirinê bê hodax nabe û hodaxên maçkarîya Herdemê jî Bişar û Bedîh û Rûmet in. Herdem dixwaze maçkarîya jinan li gundên derdora xwe jî belav bike û çi ji destê wê û hodaxên wê tê dike. Gava xwendevanên mêr romana Maçkar bixwînin, dibe ku mêrbûna wan ji wan re bibêje: “Ma dibe, mêr hodaxîya maçkarîya jinekê bikin?” Ji xwe armanca nivîskar jî ev e ku bi romana Maçkar, maçkarîya jinan bike tiştekî ji rêzê.
Size en iyi deneyimi sunmak için web sitemizde çerezler kullanılmaktadır. Çerezler, sunmuş olduğumuz hizmetlerin size özel ve tercihlerinize göre kişiselleştirilmiş içerikler olarak sunulmasına imkan tanır. Çerez Politika'mızı inceleyerek çerezler hakkında daha fazla bilgi alabilirsiniz.
