Pelge ve Peti ra, zu esqo zu sevdawa, zu dinawa. Dina ine Dersim biye. Esqe ine, sevda ine xori biye, bebın biye. Hama derd u gule ho jede bi. Derd u guli i ca neverday. Tertele Hermeniu Tertele Dersimi je şiya ine ine dıma bi. Hama esqe ine dılapa dılapa tarıx ra rezene İne esq ca neverda esq ki i ca neverday. Hama keşi ne esqe ine ne ki i fam kerdi.
Owe serdıne biye. Thıkene Pelge Thıkaena Tehleriyani ame Peti viri. Venge qersunu qediay bi. Venge domonu ki neamene.
"Domone mı! Ax domone mı!" Vake Pelge.
Cheka Peti hona dest biye. Gınene miane Pelge.
"A çheka ho raverde endi deste hora! Mı daznena. Cheke ki ma nexelesne. Raverde deste hora!" Vake Pelge.
Deste Peti bi xavi, çheke dest ra gıne ware...
Keşi ne esqe ine, ne ki i fam nekerdi. Bar kerdi şi na dina ra. Reca ho biye vindi. Ne keşi i di, ne ki ine keşi di...
Size en iyi deneyimi sunmak için web sitemizde çerezler kullanılmaktadır. Çerezler, sunmuş olduğumuz hizmetlerin size özel ve tercihlerinize göre kişiselleştirilmiş içerikler olarak sunulmasına imkan tanır. Çerez Politika'mızı inceleyerek çerezler hakkında daha fazla bilgi alabilirsiniz.
