Poncas Pêxembero Mu‘ellîm, kitabê Mela Muhemmed ‘Elî Hûnî yo tewr peyin o. Kitab hetê weşanxaneyê Nûbihar ra weşanîya. Hûnî cuwa ver zî çend kitabê menzûm nûştbî. Nê eserê ci çap bî û înan ser o xebatê akademîk zî virazîya. Hûnî heyatê pêxemberan pê nezm a nûşto. Terzo klasîk de telîf kerdo. Çend serrê peyênan de çend kesê kedkarê zazakî nê eserî ser o şuxulîyayî. Kitab bi elfabeya farisî nûsîyabi. Xebatkaran metnê kitabî çarna herfanê latînî û pê elfabeya Bedirxanî hedire kerd. Semedo ke eslê metnî, bi latînî ya bîyoro muqayesekerdişî destnûşteyo eslî no çap de ca giroto. Qur’an de nameyê 25 hebî pêxamberî vîyarenê la Hûnî humarê nê pêxamberan resenayî 50 heban. Pê zazakî û fekê Hûnê Paliyî eserê xo telîf kerdo. Hetê muhtewa ra terzê Qisesê Enbîya ya klasîk teqîb kerdo. Labelê tayî mazmûnê zazakî yê folklorîk zî şuxulnayî. No kitab gunîya teze dano edebîyatê zazakî ya klasîk ya ewroyin. Şaîr hama ra zî weş o û Hûn de cuwîyeno.
Size en iyi deneyimi sunmak için web sitemizde çerezler kullanılmaktadır. Çerezler, sunmuş olduğumuz hizmetlerin size özel ve tercihlerinize göre kişiselleştirilmiş içerikler olarak sunulmasına imkan tanır. Çerez Politika'mızı inceleyerek çerezler hakkında daha fazla bilgi alabilirsiniz.
