Suzan, Frau Adler, Sabîra, Turkan Aydin û Maî Lîn… Odeya Jinan.
Riya Hûndirîn a Gülsen Gülbeyazê rasterast romaneke jinan e ku behsa serboriyên pênç jinan dike. Jinên ku yan zaroka wan ji ber wan çûye, yan malzaroka wan hatiye betalkirin yan jî kurtaj bûne. Ev pênç jinên ku ziman, bawerî, çand û temenê wan ji hev cuda ne, bêyî xwesteka xwe li odeyeke nexweşxanê têne ba hev. Di vê odeya ku bav, mêr û yar li “derve” dimînin de; her çiqas birîndar, nexweş û hatibin perçiqandin jî, ev jinên hanê hewl didin ku riyekê ji xwe re bibînin: Riyeke Hûndirîn. Heft rojên ku nivîskar behsa wan dike, şahidiya welidînekê dike ku dişibe serboriya di Beşê Destpêkê yê Peymana Kevin de jî derbas dibe. Di Nexweşxaneya Jinan a Zarokanînê de, çima “jin”jî newelide?
Di Riya Hûndirînê de jin, ne tenê bi mêrantiya serdest, regezperestî û kedxwariyê re; lê bi xwe re jî rûbirû dimînin. Riya Hûndirîn, romaneke wiha balkêş e ku sedem û çawaniya vê yekê bi serpêhatiyên jiyanê re pêşkêşî me dike…
Size en iyi deneyimi sunmak için web sitemizde çerezler kullanılmaktadır. Çerezler, sunmuş olduğumuz hizmetlerin size özel ve tercihlerinize göre kişiselleştirilmiş içerikler olarak sunulmasına imkan tanır. Çerez Politika'mızı inceleyerek çerezler hakkında daha fazla bilgi alabilirsiniz.
