Nuşteyî mîyanê prosesî de awguzîyenê, heme zêdeyî tira vejîyenê û şeklêkê sadeyî gênê. Nuşteyê nê berhemî cîya wextan de ameyê nuştene û seba nê berhemî newe ra ameyê tedqîqkerdene. Mîyanê xebate de cîya mijaran ser o meqaleyî estê. Mîhwerê xebate zazakî û xebatê Malmîsanijî yê. No berhem xebatanê Malmîsanijî ser ra yew panoramaya zazakî xêze keno. Malmîsanij seba zazakî hem sey şexs hem zî sey mefhûm muhîm o. Zaf waran de xebatê ewilî terefê ey ra ameyê kerdene. Qandê cû zazakî û nameyê Malmîsanijî mîyanê yewbînî de mezc bîyê. No berhem xêncê destpêkî des meqaleyan ra pê yeno. Her beş mijarêka cîya ser o nusîyaya. Herçiqas mîhwerê nê berhemî xebatê Malmîsanijî bê zî, her meqale de behsê xebatanê zazakîzî bîyo. Berhemî de waranê sey ziwannasîye, ferhengnasîye, tarîx û tarîxnasîye, folklor, edebîyat û rexneyî de nuşteyî estê. Teswîrkerdişê û tehlîkerdişê zazakî rê tena yew berhem bes nêkeno, ma zanê labelê ma hêvî kenê no berhem seba xebatanê hîna başan rayîrêk akero.
Size en iyi deneyimi sunmak için web sitemizde çerezler kullanılmaktadır. Çerezler, sunmuş olduğumuz hizmetlerin size özel ve tercihlerinize göre kişiselleştirilmiş içerikler olarak sunulmasına imkan tanır. Çerez Politika'mızı inceleyerek çerezler hakkında daha fazla bilgi alabilirsiniz.
